Category Archives: Bidar Education

krishna Janmastami in siddharrodh school

ಶ್ರೀ ಸಿದ್ಧಾರೂಢ ಪಬ್ಲಿಕ್ ಶಾಲೆಯಲ್ಲಿ ಶ್ರೀ ಕೃಷ್ಣ ಜನ್ಮಾಷ್ಟಮಿ ವೈಭವದಿಂದ ಆಚರಣೆ.

ಇಂದು ನಗರದ ಶ್ರೀ ಸಿದ್ಧಾರೂಢ ಪಬ್ಲಿಕ್ ಶಾಲೆಯಲ್ಲಿ ಶ್ರೀ ಕೃಷ್ಣ ಜನ್ಮಾಷ್ಟಮಿ ಅತ್ಯಂತ ಸಡಗರ ಸಂಭ್ರಮದಿಂದ ಆಚರಿಸಲಾಯಿತು. ಶ್ರೀ ಕೃಷ್ಣನ ಜನ್ಮಾಷ್ಟಮಿ ಭಾರತದಲ್ಲಿ ಆಚರಿಸಲ್ಪಡುವ ಒಂದು ಪ್ರಮುಖ ಹಬ್ಬವಾಗಿದ್ದು. ಕೃಷ್ಣನ ಹುಟ್ಟಿದ ದಿನವನ್ನ ಶ್ರೀ ಕೃಷ್ಣ ಜನ್ಮಾಷ್ಟಮಿ ಅಥವಾ ಗೋಕುಲಾಷ್ಟಮಿಯಂದು ವೈಭವದಿಂದ ಆಚರಿಸಲಾಗುತ್ತದೆ. ಶ್ರೀ ಕೃಷ್ಣನ ಜನ್ಮದಿನವನ್ನ ಚಂದ್ರಮಾನ ರೀತಿಯಲ್ಲಿ ಶ್ರಾವಣ ಮಾಸದ ಪವಿತ್ರ ದಿನಗಳಲ್ಲಿ ಈ ಹಬ್ಬವಾಗಿ ಆಚರಣೆ ಮಾಡಲಾಗುತ್ತಿದೆ. ಈ ಒಂದು ಕಾರ್ಯಕ್ರಮದಲ್ಲಿ ಮುಖ್ಯ ಅಥಿತಿಯಾಗಿ ಆಗಮಿಸಿರುವ ಎನ್.ಕೆ. ಜಾಬಶೇಟ್ಟಿ ಆಯುರ್ವೇದಿಕ ಮಹಾ ವಿದ್ಯಾಲಯದ ಸಂಸ್ಕøತ ಉಪನ್ಯಾಸಕರಾದ ಶ್ರೀ ಪರಮೇಶ್ವರ ಭಟ್ಟ ತಮ್ಮ ಕಮಲ ಹಸ್ತದಿಂದ ಜ್ಯೋತಿ ಪ್ರಜ್ವಲಗೊಳಿಸುವ ಮತ್ತು ಕೇಕ್ ಕತ್ತರಿಸುವ ಮೂಲಕ ಕಾರ್ಯಕ್ರಮವನ್ನು ಉದ್ಘಾಟಿಸಿದರು. ಶಾಲೆಯ ಚಿಕ್ಕ ಪುಟಾಣಿ ವಿದ್ಯಾರ್ಥಿಗಳು ಶ್ರೀ ಕೃಷ್ಣನ ಹಾಡನ್ನು ಹಾಡುವ ಮೂಲಕ ವಿದ್ಯಾರ್ಥಿಗಳಿಗು ಅಥಿತಿಗಳಿಗು ಹಾಗೂ ಶಾಲೆಯ ಪಾಲಕರಿಗೆ ಸ್ವಾಗತ ಕೊರಿದರು.
ಈ ಒಂದು ಕಾರ್ಯಕ್ರಮವನ್ನ ಶಾಲೆಯ ಸೂಮಾರು 300 ಕ್ಕೂ ಹೆಚ್ಚಿನ ವಿದ್ಯಾರ್ಥಿಗಳು ಶ್ರೀ ಕೃಷ್ಣ ಹಾಗೂ ರಾಧೆಯ ವೇಷ ಧರಿಸಿಕೊಂಡಿದ್ದು ವಿಶಿಷ್ಟವಾಗಿತ್ತು. ವಿದ್ಯಾರ್ಥಿಗಳು ವಿವಿಧ ಧರ್ಮಜಾತಿಯವರು ಆಗಿದ್ದುರು ಲೇಕ್ಕಿಸದೆ ವೇಷ ಧರಿಸಿರುವುದು ಕಾರ್ಯಕ್ರಮದಲ್ಲಿ ನೆರೆದಿರುವ ಪಾಲಕರಿಗೆ ಅತೀವ ಸಂತೋಷ ತಂದುಕೊಟ್ಟಿತ್ತು.

Bidar Education Program

11ಬೀದರ111BDR1
ರಚನಾ ಕಾರ್ಯಾಗಾರ
ಫಲಿತಾಂಶದೊಂದಿಗೆ ಶೈಕ್ಷಣಿಕ ಗುಣಮಟ್ಟ ಉತ್ತಮ ಪಡಿಸಲು ಸಲಹೆ
ಬೀದರ: ಜಿಲ್ಲೆಯ ಎಸ್.ಎಸ್.ಎಲ್.ಸಿ ಫಲಿತಾಂಶದೊಂದಿಗೆ, ಶೈಕ್ಷಣಿಕ ಗುಣಮಟ್ಟ ಉತ್ತಮ ಪಡಿಸಲು, ಶಿಕ್ಷಕರಿಗೆ ಪ್ರಭಾರಿ ಉಪನಿದೇರ್ಶಕ ಶಿವಕುಮಾರ ಸ್ವಾಮಿ ಸಲಹೆ ನೀಡಿದರು.
ನಗರದ ಉಪನಿರ್ದೇಶಕರ ಕಛೇರಿಯ ಸಭಾ ಭವನದಲ್ಲಿ ಶನಿವಾರ ಎಸ್.ಎಸ್.ಎಲ್.ಸಿ ಫಲಿತಾಂಶ ಉತ್ತಮ ಪಡಿಸುವ ನಿಟ್ಟಿನಲ್ಲಿ, ಗಣಿತ ಶಿಕ್ಷಕರಿಗಾಗಿ ಆಯೋಜಿಸಿದ್ದ ಒಂದು ದಿವಸದ ಪಠ್ಯ ವಿಷಯದ ಮೇಲಿನ ಪ್ರಶ್ನೆ ಪತ್ರಿಕೆ ರಚನಾ ಕಾರ್ಯಾಗಾರ ಉದ್ಘಾಟಿಸಿ ಮಾತನಾಡಿದ ಅವರು, ವಿಶ್ವದಲ್ಲಿಯೇ ಶೈಕ್ಷಣಿಕವಾಗಿ ಗುರುತಿಸಿಕೊಂಡ ಜಿಲ್ಲೆ ಬೀದರ ಜಿಲ್ಲೆಯಾಗಿದೆ. ಇಲ್ಲಿನ ಮಹಮದ್ ಗವಾನ್ ವಿಶ್ವವಿದ್ಯಾಲಯದಲ್ಲಿ ಹೊರ ದೇಶದ ಅನೇಕರು ಬಂದು ವಿದ್ಯಾಭ್ಯಾಸ ಮಾಡಿರುವ ಇತಿಹಾಸವಿದೆ. ಇಂತಹ ಸ್ಥಳದಲ್ಲಿ ಉತ್ತಮ ಶೈಕ್ಷಣಿಕ ವಾತಾವರಣ ನಿರ್ಮಿಸುವುದ ಶಿಕ್ಷಕರ ಕರ್ತವ್ಯವಾಗಿದೆ. ಬರೀ ಬೋಧನೆಗಿಂತ ವಿದ್ಯಾರ್ಥಿಗಳಿಗೆ ವಿಷಯ ತಲುಪುವ ಕಾರ್ಯವಾಗಬೇಕು. ಇಲ್ಲಿ ಕಲಿಸುವುದಕ್ಕಿಂತ ಕಲಿಯುವುದು ಮುಖ್ಯವಾಗಬೇಕು. ಪ್ರಸ್ತುತ ಸಮಯದಲ್ಲಿ ನಮ್ಮ ಪ್ರಾಥಮಿಕ ಶಾಲಾ ಶಿಕ್ಷಕರು ರಾಜಕೀಯ ಪ್ರವೃತ್ತಿ ಬೆಳೆಸಿಕೊಂಡು ಜಿಲ್ಲೆಯ ಶಿಕ್ಷಣ ಕುಂಠಿತವಾಗುತ್ತಿರುವುದಕ್ಕೆ ಕಾರಣೀಕರ್ತರಾಗುತ್ತಿದ್ದಾರೆ. ಪ್ರೌಢಶಾಲಾ ಶಿಕ್ಷಕರು ಇದರಿಂದ ದೂರವಿರುವುದು ಸಂತಸದ ಸಂಗತಿಯಾಗಿದೆ ಎಂದರು. ಜಿಲ್ಲೆಯ ಫಲಿತಾಂಶ 28 ರಿಂದ 25ನೇ ಸ್ಥಾನಕ್ಕೆ ಏರಿದ್ದು ನಮಗೆ ಸಮಾಧಾನವಿದೆ ಆದರೆ ಸಂತೃಪ್ತಿಯಿಲ್ಲ, ಮುಂಬರುವ ವರ್ಷಗಳಲ್ಲಿ ನಾವು ಹತ್ತರ, ಹತ್ತಿರ ಬರುವ ಕಾರ್ಯವಾಗಬೇಕು. ಜಿಲ್ಲೆಯಲ್ಲಿ ಪ್ರತಿಭಾವಂತ ಮಕ್ಕಳಿದ್ದಾರೆ. ಅವರಿಗೆ ಉತ್ತಮ ಪ್ರೋತ್ಸಾಹದ ಅಗತ್ಯವಿದೆ ಎಂದು ಹೇಳಿದರು.

Pustaka Premi Vidyarthi Balaga

ವಿದ್ಯಾರ್ಥಿಗಳು ಮೊಬೈಲ್ ಪ್ರೇಮಿಯಾಗದೆ,

ಪುಸ್ತಕ ಪ್ರೇಮಿಗಳಾಗಿ


pustaka premi vidyarthi balaga UG prgm1ೀದರ: ವಿದ್ಯಾರ್ಥಿ ದೆಸೆಯಲ್ಲಿ ವಿದ್ಯಾರ್ಥಿಗಳು ಮೊಬೈಲ್ ಪ್ರೇಮಿಯಾಗದೆ, ಒಳ್ಳೆಯ ಪುಸ್ತಕ ಓದಿ, ಉತ್ತಮ ಜ್ಞಾನ ಸಂಪಾದಿಸುವುದರ ಮೂಲಕ ಪುಸ್ತಕ ಪ್ರೇಮಿಯಾಗುವಂತೆ ಕರ್ನಾಟಕ ರಾಜ್ಯ ಪ್ರೌಢಶಾಲಾ ಶಿಕ್ಷಕರ ಸಂಘದ ಜಿಲ್ಲಾಧ್ಯಕ್ಷ ಪಾಂಡುರಂಗ ಬೆಲ್ದಾರ್ ಹೇಳಿದರು.
ಸೋಮವಾರ ನಗರದ ಕರ್ನಾಟಕ ಕಾಲೇಜು ಅವರಣದಲ್ಲಿ ಪುಸ್ತಕ ಪ್ರೇಮಿ ವಿದ್ಯಾರ್ಥಿ ಬಳಗ ಹಾಗೂ ಕರ್ನಾಟಕ ಕಲಾ ವಿಜ್ಞಾನ ಮತ್ತು ವಾಣಿಜ್ಯ ಮಹಾವಿದ್ಯಾಲಯಗಳ ಸಂಯುಕ್ತಾಶ್ರಯದಲ್ಲಿ ಪ್ರಾಯೋಜಿತ ಕನ್ನಡ ಪುಸ್ತಕ ಪ್ರಾಧಿಕಾರದಿಂದ ಜರುಗಿದ ಆಶು ಭಾಷಣ ಸ್ಪರ್ಧೆಯಲ್ಲಿ ವಿಜೇತ ವಿದ್ಯಾರ್ಥಿಗಳಿಗೆ ಬಹುಮಾನ ವಿತರಿಸಿ ಮಾತನಾಡಿದರು.
ಇಂದು ಪಾಲಕರು ಬಾಲ್ಯದಿಂದಲೇ ಮಕ್ಕಳ ಕೈಗೆ ಪುಸ್ತಕ ಕೊಡದೆ, ಮೊಬೈಲ್ ಕೊಟ್ಟು ಅವರ ಜೀವನ ದುಸ್ತರಗೊಳಿಸುತ್ತಿರುವುದು ದಯನಿಯ ಸಂಗತಿ ಎಂದ ಅವರು, ಸ್ಪರ್ಧಾತ್ಮಕ ಜಗತ್ತಿನಲ್ಲಿ ಮೌಲ್ಯಾಧಾರಿತ ಪುಸ್ತಕ ಓದಿ ಮಹಾನ ನಾಗರಿಕರಾಗಿ ಹೊರ ಬರುವಂತೆ ಕರೆ ನೀಡಿದರು.
ಸಾಹಿತಿಗಳು ಮೌಲ್ಯಯುತ ಉತ್ತಮ ಪುಸ್ತಕ ಓದುವುದರಿಂದಲೇ ಪರಿಪೂರ್ಣ ಸಾಹಿತ್ಯ ರಚನೆ ಮಾಡುವಲ್ಲಿ ಯಶಸ್ಸು ಕಂಡಿರುತ್ತಾರೆ. ಅದೇ ರೀತಿ ವಿದ್ಯಾರ್ಥಿಗಳು ಸಹ ಜಾನಾರ್ಜನೆಗೆ ನಿಲುಕುವ ವಿವಿಧ ತರಹದ ಪುಸ್ತಕ ಓದುವ ಮೂಲಕ ಜ್ಞಾನದಾಹ ನೀಗಿಸಿಕೊಂಡು, ಉತ್ತಮ ಕವಿತೆ, ಕಾವ್ಯ, ಕಾದಂಬರಿಗಳನ್ನು ಬರೆದು, ಸಮಾಜಮುಖಿಯಾಗಿ ಹೊರ ಹೊಮ್ಮುವಂತೆ ತಿಳಿಸಿದರು.
ತಾಂತ್ರಿಕ ಜಗತ್ತಿನಲ್ಲಿ ವಿದ್ಯಾರ್ಥಿಗಳಲ್ಲಿ ಸಂಸ್ಕಾರ, ಸಂಸ್ಕøತಿ ಎಲ್ಲವು ಅಳಿದು ಹೋಗಿ, ಬರೀ ಸ್ವಾರ್ಥದ ಕೊಳ ಭರ್ತಿಯಾಗುತ್ತಿದೆ, ಅಹಂಕಾರ, ದುರಾಲೋಚನೆಗಳಂತಹ ಕೆಟ್ಟ ಮನೋಭಾವ ಸೃಷ್ಟಿಯಾಗುತ್ತಿದ್ದು, ಪುಸ್ತಕವನ್ನೇ ಜೀವಾಳವಾಗಿಸಿಕೊಂಡು ಗುರು ಹಿರಿಯರಿಗೆ ವಿಧೆಯತೆ ತೋರಿ, ಇತರರಿಗೆ ಮಾದರಿಯಾಗಿ ಬದುಕು ರೂಪಿಸಿಕೊಳ್ಳುವಂತೆ ತಿಳಿಸಿದರು.
ಇಂದು ಇಂಟರ್ನೆಟ್ ಹಾವಳಿ ಹೆಚ್ಚಾಗಿ ವಿದ್ಯಾರ್ಥಿಗಳಲ್ಲಿ ಸಂಕುಚಿತ ಮನೋವೃತ್ತಿ ಜಾಸ್ತಿಯಾಗಿ, ಬರೀ ಅಂಕ ಗಳಿಸಿ, ನೌಕರಿ ಗಿಟ್ಟಿಸಿ, ಹೊಟ್ಟೆ ತುಂಬಿಕೊಳ್ಳಲು ಹೊರಟಿರುವ ಪರಿ ನಾಚಿಕೆಗೀಡು ಸಂಗತಿಯಾಗಿದ್ದು, ಪುಸ್ತಕಗಳ ದೀರ್ಘ ಅಧ್ಯಯನಗೈದು, ಬದುಕಿನುದ್ದಕ್ಕೂ ಅದರ ಸದುಪಯೋಗ ಪಡೆದುಕೊಂಡು ಆದರ್ಶ ವ್ಯಕ್ತಿಗಳಾಗುವಂತೆ ಕೋರಿದರು.
ಕಾಲೇಜಿನ ಕನ್ನಡ ವಿಭಾಗದ ಮುಖ್ಯಸ್ಥೆ ಪ್ರೊ.ಭಾಗೀರಥಿ ಕೊಂಡಾ ಅಧ್ಯಕ್ಷತೆ ವಹಿಸಿ ಮಾತನಾಡಿ, ತಾಂತ್ರಜ್ಞಾನವೆಂಬ ಬಿಸಿಲಿನಲ್ಲಿ ಪುಸ್ತಕದ ನೆರಳು ಕರಗಿ ಹೋಗುತ್ತಿದೆ, ಸಂಸ್ಕಾರ ಸಂಸ್ಕøತಿಗಳು, ಕಾಣದಾಗಿವೆ, ಎಲ್ಲಿ ನೋಡಿದರಲ್ಲಿ ಬರೀ ಬೊಗಳೆ ಭಾಷಣ, ನಿರರ್ಥಕ ಜೀವನದಲ್ಲಿ ತಲ್ಲೀನರಾಗುತ್ತಿರುವ ಯುವ ಪಡೆ ಸತ್ಯದ ಅವಿಸ್ಕಾರಕ್ಕಾಗಿ ಸನ್ನದ್ದರಾಗಲು ಪುಸ್ತಕವನ್ನೇ ಅಮೃತದ ರೂಪದಲ್ಲಿ ಸ್ವೀಕರಿಸಿದಲ್ಲಿ ಸಮಾಜ ಪರಿವರ್ತನೆ ಸಾಧ್ಯವಾಗಲಿದೆ ಎಂದರು. ಆಂಗ್ಲ ವಿಭಾಗದ ಮುಖ್ಯಸ್ಥ ಪ್ರೊ.ಉಮಾಕಾಂತ ಪಾಟೀಲ ಮಾತನಾಡಿದರು.
ಈ ಸಂದರ್ಭದಲ್ಲಿ ಆಶು ಭಾಷಣ ಸ್ಪರ್ಧೆಯಲ್ಲಿ ಭಾಗವಹಿಸಿ ವಿಜೇತರಾದ ವಿದ್ಯಾರ್ಥಿಗಳಾದ ವಜ್ರಮಣಿ, ಶಿವಾನಿ ಹಾಗೂ ಬಸವ ಪ್ರಸಾದರಿಗೆ ಬಹುಮಾನ ವಿತರಿಸಲಾಯಿತು.
ಕಾರ್ಯಕ್ರಮದಲ್ಲಿ ಕರ್ನಾಟಕ ರಾಜ್ಯ ಪ್ರೌಢ ಶಾಲಾ ಶಿಕ್ಷಕರ ಸಂಘದ ಜಲ್ಲಾ ಖಜಾಂಚಿ ಸಂಜೀವಕುಮಾರ ಸ್ವಾಮಿ, ಸ್ತಳಿಯ ಉಪನ್ಯಾಸಕಿ ಡಾ.ಧನಲಕ್ಷ್ಮೀ ಪಾಟೀಲ, ಮಹಾನಂದಾ ಮಡಕಿ ಸೇರಿದಂತೆ ಕಾಲೇಜಿನ ಎಲ್ಲ ಸಿಬ್ಬಂದಿಗಳು ಹಾಗೂ ಸ್ನಾತಕೋತ್ತರ ವಿಭಾಗದ ವಿದ್ಯಾರ್ಥಿಗಳು ಭಾಗವಹಿಸಿದರು.
ಆರಂಭದಲ್ಲಿ ಕನ್ನಡ ಸ್ನಾತಕೋತ್ತರ ಅಧ್ಯಯನ ಮತ್ತು ಸಂಶೋಧನ ಕೇಂದ್ರದ ನಿರ್ದೇಶಕ ಡಾ.ಜಗನ್ನಾಥ ಹೆಬ್ಬಾಳೆ ಸರ್ವರನ್ನು ಸ್ವಾಗತಿಸಿದರು. ಕು.ಮೇರಿ ಹಾಗೂ ಕು.ಸುಧಾ ಸ್ವಾಗತ ಗೀತೆ ಹಾಡಿದರು. ಪ್ರೊ.ಸುರೇಖಾ ಬಿರಾದಾರ ಕಾರ್ಯಕ್ರಮ ನಿರೂಪಿಸಿ, ವಂದನೆ ಸಲ್ಲಿಸಿದರು.


 

Dawood College Bidar

3ಬೀದರ1
ಬೀದರ: ನೌಬಾದ ಹತ್ತಿರದ ಡಯಟ್ ಕಾಲೇಜಿನಲ್ಲಿ ಆಯೋಜಿಸಿದ್ದ ಗಣಿತ ಶಿಕ್ಷಕರ ವಿಷಯಾಧಾರಿತ ತರಬೇತಿ ಕಾರ್ಯಾಗಾರದ ಸಮಾರೋಪದಲ್ಲಿ ಪ್ರಾಂಶುಪಾಲ ಬಸವರಾಜ ಗೊನ್ನಳ್ಳಿ ಮಾತನಾಡಿದರು.3BDR1

3ಬೀದರ1
ತರಗತಿ ಕೋಣೆಯಲ್ಲಿ ತರಬೇತಿ ಉಪಯೋಗವಾಗಲಿ – ಗೊನ್ನಳ್ಳಿ

ಬೀದರ: ಶಿಕ್ಷಕರು ತಾವು ಪಡೆದುಕೊಂಡ ತರಬೇತಿಯು, ಅವರ ತರಗತಿ ಕೋಣೆಗಳಲ್ಲಿ ಉಪಯೋಗಿಸಿದಾಗ ಪಡೆದುಕೊಂಡ ತರಬೇತಿಯ ಯಶಸ್ಸು ಲಭಿಸುತ್ತದೆÉ ಎಂದು ಜಿಲ್ಲಾ ಶಿಕ್ಷಣ ಮತ್ತು ತರಬೇತಿ ಸಂಸ್ಥೆಯ ಪ್ರಾಂಶುಪಾಲ ಬಸವರಾಜ ಗೊನ್ನಳ್ಳಿ ಅಭಿಪ್ರಾಯಪಟ್ಟರು.

Soft Skills Training

Soft Skills Training Program

In the Leadership of SURYAKANTH NAGMARPALLIsoftskills2

Date : 5th & 6th Jan 2016

Venue : Rangamandir, Bidar

Time : 9:30 Am to 3:00 Pm

 

 


 

FutureKids Annual Day

ಜನಮನ ರಂಜಿಸಿದ ಪುಟಾಣಿಗಳ ಮನಮೋಹಕ ನೃತ್ಯ

samagra arogya chintan prgm1ಬೀದರ: ಶಿವನಗರ ಉತ್ತರದಲ್ಲಿರುವ ಫ್ಯುಚರ್ ಕಿಡ್ಸ್ ಶಾಲೆಯ ಮುಂಭಾಗದ ವಿಶಾಲ ಮೈದಾನದಲ್ಲಿ ಮಂಗಳವಾರ ಶಾಲೆಯ ತೃತಿಯ ವಾರ್ಷಿಕೋತ್ಸವ ಬಹು ವಿಜ್ರಂಭಣೆಯಿಂದ ಜರುಗಿತು.
ಪುಟಾಣಿ ಮಕ್ಕಳ ವೈವಿಧ್ಯಮಯ ನರ್ತನಗಳು ಜನಮನ ರಂಜಿಸಿದವು. ಅದರಲ್ಲಿ ಕನ್ನಡ, ಹಿಂದಿ, ತೆಲಗು, ಪಂಜಾಬಿ ಭಾಷೆಗಳ ಹಾಡಿನ ಮೇಲೆ ಮಕ್ಕಳು ಹೆಜ್ಜೆ ಹಾಕಿ, ನೋಡುಗರ ಕಣ್ಣು ಕರಗುವಂತೆ ಮಾಡಿದವು. ಅದರಲ್ಲೂ ವಿಶೇಷವಾಗಿ ದೇಶಭಕ್ತಿ ಗೀತೆ ಹಾಗೂ ನಾಡಗೀತೆಗಳು ಕುಳಿತವರಲ್ಲಿ ದೇಶಪ್ರೇಮ ಉಕ್ಕುವಂತೆ ಮಾಡಿತ್ತು. ಪಾಲಕರ ಚಪ್ಪಾಳೆ, ಯುವಕರ ಚೀರಾಟ ಮಕ್ಕಳಲ್ಲಿ ಇನ್ನಷ್ಟು ಹುರುಪು ಬರುವಂತೆ ಮಾಡಿರುವುದು ವಿಶೇಷವಾಗಿತ್ತು. ಈ ಎಲ್ಲ ನೃತ್ಯಗಳನ್ನು ಸೆರೆ ಹಿಡಿಯಲು ನೂರಾರು ಸ್ಮಾರ್ಟ್ ಫೋನ್ ಮೊಬೈಲ್‍ಗಳನ್ನು ಹಿಡಿದು ಯುವಕರು ಮುಗಿ ಬೀಳುವ ದೃಶ್ಯ ಹೇಳತೀರದು. ಒಟ್ಟಾರೆ ಪ್ರತಿ ವರ್ಷಕ್ಕಿಂತ ಈ ವರ್ಷದ ವಾರ್ಷಿಕೋತ್ಸವ ವಿಭಿನ್ನವಾಗಿರುವುದು ಗಮನಾರ್ಹ ಸಂಗತಿಯಾಗಿದೆ.

Science & Technology Education

ಗೋವು ಸರ್ವ ಧರ್ಮಿಯರಿಗೆ ಮಾತೃ ಸ್ವರುಪಿ: ಶಿವಯ್ಯ ಸ್ವಾಮಿ

Science_ScienctifiTrainingಬೀದರ: ಗೋವು ಎಲ್ಲ ಧರ್ಮಿಯರಿಗೆ ಸಮಾನವಾಗಿ ಹಾಲು ಕೊಡುವ ಮೂಲಕ ಧರ್ಮ ಸಂಹಿಉಷ್ಣತಾ ಭಾವ ಹೊರ ಹಾಕುವ ಅಪರೂಪದ ಪ್ರಾಣಿ ಸಂಪತ್ತಾಗಿದೆ ಎಂದು ಭಾರತಿಯ ಪ್ರಾಣಿ ಕಲ್ಯಾಣ ಮಂಡಳಿ ಸದಸ್ಯ ಶಿವಯ್ಯ ಸ್ವಾಮಿ ತಿಳಿಸಿದರು.
ಭಾಲ್ಕಿ ತಾಲೂಕಿನ ಕಟ್ಟಿ ತುಗಾಂವ ಗ್ರಾಮದಲ್ಲಿ ಹಲಹಳ್ಳಿ(ಕೆ) ಗ್ರಾಮದ ಸರಕಾರಿ ಪದವಿ ಪೂರ್ವ ಮಹಾವಿದ್ಯಾಲಯದಿಂದ ನಡೆಯುತ್ತಿರುವ ರಾಷ್ಟ್ರೀಯ ಸೇವಾ ಯೋಜನೆ ವಿಶೇಷ ಶಿಬಿರದ ಮೂರನೇ ದಿನದ ವಿಶೇಷ ಉಪನ್ಯಾಸಕರಾಗಿ ಭಾಗವಹಿಸಿ, ‘ಗೋ ಸಂರಕ್ಷಣೆಯಲ್ಲಿ ಯುವಜನರ ಪಾತ್ರ’ ಕುರಿತು ಉಪನ್ಯಾಸ ನೀಡಿದರು.

Youth Empowerment event

ಯುವ ನಾಯಕತ್ವ ಹಾಗೂ ಸಮುದಾಯ ಅಭಿವೃದ್ದಿ

ತರಬೇತಿ ಸಮಾರೋಪ ನಾಳೆ

DSC02451ಬೀದರ: ನಾಳೆ(27-09-2015) ಮಧ್ಯಾಹ್ನ 1.00 ಗಂಟೆಗೆ ಭಾಲ್ಕಿ ತಾಲೂಕಿನ ನಿಟ್ಟೂರು(ಬಿ) ಗ್ರಾಮದ ಮಹಾತ್ಮ ಜ್ಯೋತಿಬಾ ಫುಲೆ ಮಹಾವಿದ್ಯಾಲಯದಲ್ಲಿ ಭಾರತ ಸರಕಾರದ ನೆಹರು ಯುವ ಕೇಂದ್ರ ಬೀದರ್, ಸ್ವಾಮಿ ವಿವೇಕಾನಂದ ಯುವ ಶಕ್ತಿ ಕೇಂದ್ರ ಕಾಳಸರ ತುಗಾಂವ, ರಮಾಬಾಯಿ ಮಹಿಳಾ ಮಂಡಳಿ ಹಾಗೂ ಮಹಾತ್ಮ ಜ್ಯೋತಿಬಾ ಫುಲೆ ಮಹಾವಿದ್ಯಾಲಯ ಮತ್ತು ರಾಷ್ಟ್ರೀಯ ಸೇವಾ ಯೋಜನೆ ಘಟಕ ನಿಟ್ಟುರ್(ಬಿ) ಇವರ ಸಂಯುಕ್ತಾಶ್ರಯದಲ್ಲಿ ಯುವ ನಾಯಕತ್ವ ಹಾಗೂ ಸಮುದಾಯ ಅಭಿವೃದ್ಧಿ ತರಬೇತಿ ಶಿಬಿರದ ಸಮಾರೋಪ ಸಮಾರಂಭ ಜರುಗಲಿದೆ.

ಸೆ.26ರಿಂದ ಆರಂಭವಾದ ಈ ತರಬೇತಿಯು ನಾಳೆ ಮುಕ್ತಾಯಗೊಳ್ಳಲಿದ್ದು, ಸಮಾರೋಪ ಸಮಾರಂಭದ ಅಧ್ಯಕ್ಷತೆಯನ್ನು ಪದವಿ ಪೂರ್ವ ಮತ್ತು ವೃತ್ತಿ ಶಿಕ್ಷಣ ಇಲಾಖೆಯ ಉಪ ನಿರ್ದೇಶಕ ಎಂ.ಕೆ ಗಾದಗೆ ವಹಿಸಲಿದ್ದು, DSC02454ಮುಖ್ಯ ಅತಿಥಿಗಳಾಗಿ ಪ್ರಗತಿ ಕೃಷ್ಣ ಗ್ರಾಮೀಣ ಬ್ಯಾಂಕಿನ ಪ್ರಾದೇಶಿಕ ವ್ಯವಸ್ಥಾಪಕ ಆರ್.ಎಂ.ಮಂಜುನಾಥ, ಗೌರವ ಅತಿಥಿಗಳಾಗಿ ಭಾರತಿಯ ಪ್ರಾಣಿ ಕಲದ್ಯಾಣ ಮಂಡಳಿ ಸದಸ್ಯ ಶಿವಯ್ಯ ಸ್ವಾಮಿ ಹಾಗೂ ಅತಿಥೀಗಳಾಗಿ ಮಹಾತ್ಮ ಜ್ಯೋಂತಿಬಾ ಫುಲೆ ಮಹಾವಿದ್ಯಾಲಯದ ಪ್ರಾಚಾರ್ಯ ಬಾಬುರಾವ ಮಾಳಗೆ ಭಾಗವಹಿಸುವರೆಂದು ನೆಹರು ಯುವ ಕೇಂದ್ರದ ಜಿಲ್ಲಾ ಯುವ ಸಮನ್ವಯಾಧಿಕಾರಿ ಪಿ.ಶ್ರೀನಿವಾಸ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

Children Art competition

ಮಕ್ಕಳ ಚಿತ್ರಕಲಾ ಸ್ಪರ್ಧೆಯಲ್ಲಿ ಮನ್ನಳ್ಳಿ ಮಕ್ಕಳ ಮೇಲುಗೈ

ArtCompetitionಬೀದರ: ಹೈದ್ರಾಬಾದ್ ಕರ್ನಾಟಕ ವಿಮೋಚನಾ ದಿನಾಚರಣೆ ನಿಮಿತ್ಯ ಸಾರ್ವಜನಿಕ ಶಿಕ್ಷಣ ಇಲಾಖೆ ಹಾಗೂ ಜಿಲ್ಲಾ ಚಿತ್ರಕಲಾ ಸಂಘದ ಸಹಯೋಗದಲ್ಲಿ ಇತ್ತಿಚೀಗೆ ಹಮ್ಮಿಕೊಳ್ಳಲಾಗಿದ್ದ ತಾಲೂಕಾ ಮಟ್ಟದ ಚಿತ್ರಕಲಾ ಸ್ಪರ್ಧೆಯಲ್ಲಿ ತಾಲೂಕಿನ ಮನ್ನಳ್ಳಿ ಗ್ರಾಮದ ಬಸವ ಪ್ರೌಢಶಾಲೆಯ 10ನೇ ತರಗತಿ ವಿದ್ಯಾರ್ಥಿ ಮಹಮ್ಮದ್ ಅಜಮತ್ ಈತನು ದ್ವಿತೀಯ ಸ್ಥಾನ ಪಡೆದು ಬೆಳ್ಳಿ ಪದಕ ಗಿಟ್ಟಿಸಿದರೆ, ಜ್ಯೋತಿ ಲಕ್ಷ್ಮಣ ಇವಳು ತೃತಿಯ ಸ್ಥಾನ ಪಡೆದು ಕಂಚಿನ ಪದಕ ಪಡೆದಳು.

ಮಕ್ಕಳ ಈ ಅವಿರತ ಸಾಧನೆಗೆ ಸಂಸ್ಥೆಯ ಅಧ್ಯಕ್ಷ ಬಸವರಾಜ ಪನಾಳೆ, ಮುಖ್ಯ ಗುರು ಶಶಿಧರ ನಿಜಾಂಪೂರೆ, ಚಿತ್ರಕಲಾ ಶಿಕ್ಷಕ ಶ್ರೀಕಾಂತ ತುಗ್ಗಾ, ಶಾಲೆಯ ಶಿಕ್ಷಕರು ಹಾಗೂ ಸಿಬ್ಬಂದಿ ಹರ್ಷವ್ಯಕ್ತಪಡಿಸಿ ಅಭಿನಂದಿಸಿದ್ದಾರೆ.

Millenium School

ಶಸ್ತ್ರಾಸ್ತ್ರದಲ್ಲಿ ಸ್ವಾವಲಂಬನೆ ಸಾಧಿಸಲು

ಐಐಟಿ ಜೊತೆಗೆ ನೈತಿಕ ಶಿಕ್ಷಣ ಅಗತ್ಯ: ನ್ಯಾ.ಹಂಚಾಟೆ

kanunu arivu neravu prgm in mileniam public schoolಬೀದರ: ವಿಶ್ವದಲ್ಲಿ ಭಾರತವು ಭಾರಿ ಶಸ್ತ್ರಾಸ್ತ್ರ ತಯಾರಿಸಿ. ಸ್ವಾವಲಿಂಬನೆ ಸಾಧಿಸಲು ನಮ್ಮ ದೇಶದ ಐಐಟಿ ವಿದ್ಯಾರ್ಥಿಗಳು, ವಿಜ್ಞಾನಿಗಳು ಮತ್ತು ತಂತ್ರಜ್ಞಾನಿಗಳು ತಾಂತ್ರಿಕ ಶಿಕ್ಷಣದ ಜೊತೆಗೆ ನೈತಿಕ ಶಿಕ್ಷಣ ಕಲಿತಲ್ಲಿ ದೇಶಪ್ರೇಮ, ದೇಶಭಕ್ತಿ ಜಾಗೃತವಾಗುತ್ತದೆ ಎಂದು ಪ್ರಧಾನ ಜಿಲ್ಲಾ ಮತ್ತು ಸತ್ರ ನ್ಯಾಯಾಧೀಶರೂ ಹಾಗೂ ಜಿಲ್ಲಾ ಕಾನೂನು ಸೇವೆಗಳ ಪ್ರಾಧಿಕಾರದ ಅಧ್ಯಕ್ಷರಾದ ನ್ಯಾ.ಹಂಚಾಟೆ ಸಂಜೀವಕುಮಾರ ಹೇಳಿದರು.

ಶುಕ್ರವಾರ ನಗರದ ಶಿವನಗರ ಉತ್ತರದಲ್ಲಿರುವ ದಿ.ಮಿಲೇನಿಯಮ್ ಪಬ್ಲಿಕ್ ಸ್ಕೂಲ್‍ನ ಅವರಣದಲ್ಲಿ ಜಿಲ್ಲಾ ಕಾನೂನು ಸೇವೆಗಳ ಪ್ರಾಧಿಕಾರ, ಜಿಲ್ಲಾ ವಕೀಲರ ಸಂಘ ಹಾಗೂ ಕೇತಕಿ ಪಾರ್ವತಿ ಸಂಗಮೇಶ್ವರ ಟ್ರಸ್ಟ್‍ಗಳ ಸಹಯೋಗದಲ್ಲಿ ಶಿಕ್ಷಕರ ದಿನಾಚರಣೆ ಹಾಗೂ ವಿಶ್ವ ಸಾಕ್ಷರತಾ ದಿನಾಚರಣೆ ಅಂಗವಾಗಿ ಕಾನೂನು ಅರಿವು-ನೇರವು ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು.