Author Archives: Bidarwala News

Saanskruitka Sanje

CulturalProgram Saanskruitka Sanje

On 3rd August,

                                              Venue: RangaMandir Bidar

ಗ್ರೀಟಿಂಗ್ ಕಾರ್ಡ್ ತಯಾರಿಸುವ ಸ್ಪರ್ಧೆ

ಬೀದರ್: ರೋಟರಿ ಕ್ಲಬ್ ವತಿಯಿಂದ ಶನಿವಾರ ನಗರದ ಜ್ಞಾನಸುಧಾ ಶಾಲೆಯಲ್ಲಿ ಗ್ರೀಟಿಂಗ್ ಕಾರ್ಡ್ ತಯಾರಿಸುವ ಸ್ಪರ್ಧೆ ಏರ್ಪಡಿಸಲಾಗಿತ್ತು.ಪ್ರಾಥಮಿಕ ತರಗತಿಯ ಸುಮಾರು 200 ವಿದ್ಯಾರ್ಥಿ/ವಿದ್ಯಾರ್ಥಿನಿಯರು ಭಾಗವಹಿಸಿದ್ದರು. ವಿದ್ಯಾರ್ಥಿಗಳಲ್ಲಿ ವರುಣ, ಕೃಷ್ಣಾ, ರಿತೇಶ, ಗಣೇಶ ಹಾಗೂ ಅಶೋಕ್ ಅವರಿಗೆ ಬಹುಮಾನಗಳನ್ನು ನೀಡಲಾಯಿತು.ಪ್ರಶಸ್ತಿ ವಿಜೇತರಿಗೆ ಬಾಲ ಕಲಾವಿದೆ ಮೇಘಾ ಅರವಿಂದ ಹಳ್ಳಿಖೇಡೆ ಅವರಿಂದ ವಿಶೇಷವಾಗಿ ವಿನ್ಯಾಸಗೊಳಿಸಿದ ಪ್ರಶಸ್ತಿ ಪತ್ರಗಳನ್ನು ನೀಡಲಾಯಿತು.

ಉತ್ತಮ ಇಳುವರಿಗೆ ಸಾವಯವ ಕೃಷಿ ಸಹಕಾರಿ: ಪೀರಣ್ಣ ಸಲಹೆ

ಬಸವಕಲ್ಯಾಣ: ರೈತರು ಸಾವಯುವ ಕೃಷಿಗೆ ಮಹತ್ವ ನೀಡಿದರೆ ಉತ್ತಮ ಇಳುವರಿ ಪಡೆಯಬಹುದು ಎಂದು ರಾಜೇಶ್ವರ ಕೃಷಿ ಅಧಿಕಾರಿ ಪೀರಣ್ಣ ಕರೆ ನೀಡಿದರು.ತಾಲೂಕಿನ ಹಂದ್ರಾಳ ಕೆ. ಗ್ರಾಮದಲ್ಲಿ ಹಮ್ಮಿಕೊಂಡ ಕೃಷಿ ಇಲಾಖೆ ಮತ್ತು ಶಾಂತೇಶ್ವರಿ ಸ್ವಯಂ ಸೇವಾ ಸಂಸ್ಥೆ ಆಶ್ರಯದಲ್ಲಿ ಸಾವಯುವ ಕೃಷಿ ಕುರಿತು ಮಾತನಾಡಿ, ಬೆಳೆಗಳಿಗೆ ರೋಗಗಳು, ಬ್ಯಾಕ್ಟಿರಿಯಾ ವೈರಸ್ ಪ್ರೋಟೋಜನ್ ಮುಂತಾದ ಸೂಕ್ಷ್ಮ ಜೀವಿಗಳಿಂದ ರೋಗ ಹರಡುತ್ತಿವೆ. ಇವುಗಳನ್ನು ನಿಯಂತ್ರಣದಲ್ಲಿಡಲು ಬೇವಿನ ಎಣ್ಣೆ ಹಾಗೂ ಬೇವಿನ ಹೊಂಗೆ, ಮತ್ತು ಜೀನ್ ಹಿಂಡಿಗಳನ್ನು ಮಣ್ಣಿಗೆ ಸೇರಿಸುವ ಮುಖಾಂತರ ರೋಗಗಳು ನಿಯಂತ್ರಣಕ್ಕೆ ತರಬಹುದು ಎಂದರು.

Sms facility for Govt. Schools

composemail-iconಬೀದರ್: ಪ್ರಸಕ್ತ ಸಾಲಿನಿಂದಲೇ ಜಿಲ್ಲಾಡಳಿತ ಹಾಗೂ ಜಿಲ್ಲಾ ಪಂಚಾಯತಿಯಿಂದ ಶಾಲೆಗಳಲ್ಲಿ ಬಿಸಿಯೂಟ ಪಡೆಯುವ ವಿದ್ಯಾರ್ಥಿಗಳ ನಿಖರವಾದ ಸಂಖ್ಯೆ ಹಾಗೂ ಶಿಕ್ಷಕರ ಸಂಖ್ಯೆಯನ್ನು ಪಡೆಯಲು ಎಸ್ಎಂಎಸ್ ಆಧಾರಿತ ಹಾಜರಾತಿ ವ್ಯವಸ್ಥೆ (ಖಂಖ ಇಛಡಜಜ ಆಡಿಡಿಜಟಿಜಜಟ್ಛಿಜ ಖಣಡಡಿಜಟ)  ಜಾರಿಗೆ ತರಲಾಗಿರುತ್ತದೆ.

10 ಕೋಟಿ ಕ್ರಿಯಾಯೋಜನೆಗೆ ಅಸ್ತು

ಪ್ರಸಕ್ತ ಸಾಲಿನ ಹಿಂದುಳಿದ ಪ್ರದೇಶಾಭಿವೃದ್ಧಿ ನಿಧಿಯಲ್ಲಿ ಪಂಚಾಯಿತಿ ಹಾಗೂ ನಗರ ಸ್ಥಳೀಯ ಸಂಸ್ಥೆಗಳ ಒಟ್ಟು 10.85 ಕೋಟಿ ಕ್ರಿಯಾ ಯೋಜನೆಗೆ ಜಿಪಂ ಜಿಲ್ಲಾ ಯೋಜನಾ ಸಮಿತಿ ಸಭೆ ಅನುಮೋದನೆ ನೀಡಿದೆ.
ನಗರದ ಜಿಪಂ ಸಭಾಂಗಣದಲ್ಲಿ ಜಿಲ್ಲಾ ಯೋಜನಾ ಸಮಿತಿ ಸಭೆಯ ಅಧ್ಯಕ್ಷರಾದ ಜಿಪಂ ಹಂಗಾಮಿ ಅಧ್ಯಕ್ಷೆ ಜಗದೇವಿ ಝರಣಪ್ಪ ಅವರ ಅಧ್ಯಕ್ಷತೆಯಲ್ಲಿ ಮಂಗಳವಾರ ಆಯೋಜಿಸಿದ್ದ ಜಿಲ್ಲಾ ಯೋಜನಾ ಸಮಿತಿ ಸಭೆಯಲ್ಲಿ ಕ್ರಿಯಾ ಯೋಜನೆಗೆ ಅನುಮೋದನೆ ನೀಡಲಾಯಿತು.ಪ್ರಸಕ್ತ ಸಾಲಿನ ಹಿಂದುಳಿದ ಪ್ರದೇಶಾಭಿವೃದ್ಧಿ ನಿಧಿಯಲ್ಲಿ ಈ ಬಾರಿ ಒದಗಿಸಲಾಗಿರುವ 10.85 ಕೋಟಿಯಲ್ಲಿ ನಗರ ಸ್ಥಳೀಯ ಸಂಸ್ಥೆಗಳಿಗೆ 217 ಲಕ್ಷ, ಗ್ರಾಮ ಪಂಚಾಯಿತಿಗಳಿಗೆ 607.60 ಲಕ್ಷ, ತಾಪಂಗಳಿಗೆ 173.60 ಲಕ್ಷ ಹಾಗೂ ಜಿಪಂಗೆ 86.8 ಲಕ್ಷ ಹಂಚಿಕೆ ಮಾಡಲಾಗಿದೆ.
ದುರಸ್ತಿ ಕಾಮಗಾರಿಗಳಿಗೆ ಅವಕಾಶವಿಲ್ಲ: ಡಾ. ನಂಜುಂಡಪ್ಪ ವರದಿ ಆಧಾರದ ಮೇರೆಗೆ ಹಿಂದುಳಿದ ಪ್ರದೇಶಾಭಿವೃದ್ಧಿ ನಿಧಿಯ ಅನುದಾನವನ್ನು ಹಂಚಿಕೆ ಮಾಡಲಾಗಿದೆ. ನಿಗದಿಪಡಿಸಲಾಗಿರುವ ಮಾರ್ಗಸೂಚಿಗಳ ಅನ್ವಯ ಯೋಜನೆಗಳ ಅನುಷ್ಠಾನ ಮಾಡಬೇಕಿದ್ದು, ಪ್ರಸಕ್ತ ಸಾಲಿನಲ್ಲಿ ಮೂಲ ಸೌಕರ್ಯಗಳನ್ನು ವೃದ್ಧಿಪಡಿಸುವ ಹಾಗೂ ದೀರ್ಘ ಕಾಲಾವಧಿಯ ಯೋಜನೆಗಳಿಗೆ ಶೇ.90ರಷ್ಟು ಅನುದಾನ ಬಳಸಬೇಕು ಮತ್ತು ಉಳಿದ ಶೇ. 10ರಷ್ಟನ್ನು ಇತರೆ ಯೋಜನೆಗಳಿಗೆ ಮಾತ್ರ ಬಳಸಿಕೊಳ್ಳಬೇಕು. ಯಾವುದೇ ಕಾರಣಕ್ಕೂ ದುರಸ್ತಿ ಕಾಮಗಾರಿಗಳಿಗೆ ಈ ಅನುದಾನವನ್ನು ಬಳಸಿಕೊಳ್ಳಲು ಅವಕಾಶವಿರುವುದಿಲ್ಲ ಎಂದು ಜಿಪಂ ಸಿಇಒ ಉಜ್ವಲಕುಮಾರ್ ಘೋಷ್ ತಿಳಿಸಿದರು.
ಜಿಲ್ಲಾ ಯೋಜನಾ ಸಮಿತಿ ಸಭೆಯಲ್ಲಿ ಕಳೆದ ಸಾಲಿನಲ್ಲಿ ಹಿಂದುಳಿದ ಪ್ರದೇಶಾಭಿವೃದ್ಧಿ ನಿಧಿಯಡಿ ಕೈಗೊಂಡ ಕಾಮಗಾರಿಗಳ ಬಗ್ಗೆ ಜಿಲ್ಲಾ ಪಂಚಾಯತ್ ಸದಸ್ಯರು ಅವಲೋಕನ ನಡೆಸಿದರು. ಜಿಲ್ಲಾ ಯೋಜನಾ ಸಮಿತಿ ಸಭೆಯ ಉಪಾಧ್ಯಕ್ಷೆ ಹಾಗೂ ನಗರಸಭೆ ಅಧ್ಯಕ್ಷೆ ಫಾತೀಮಾ ಅನ್ವರ್ ಅಲಿ ಇದ್ದರು.
ಯೋಜನಾ ಸಮಿತಿ ಸದಸ್ಯರು ಹಾಗೂ ಜಿಲ್ಲಾ ಪಂಚಾಯತ್ ಸದಸ್ಯರಾದ ಶೈಲೇಂದ್ರ ಬೆಲ್ದಾಳೆ, ಕುಶಾಲ್ರಾವ್ ಪಾಟೀಲ್, ಲತಾ ಹಾರಕೂಡೆ, ನೀಲಮ್ಮ, ಪ್ರಜಾದೇವಿ ಸಿದ್ರಾಮ, ಜಿಪಂ ಮುಖ್ಯ ಯೋಜನಾಧಿಕಾರಿ ಕಿಶೋರ್ ಕುಮಾರ್, ಜಿಲ್ಲಾ ಹಾಗೂ ತಾಲೂಕು ಮಟ್ಟದ ಅಧಿಕಾರಿಗಳು ಸಭೆಯಲ್ಲಿ ಭಾಗವಹಿಸಿದ್ದರು.
ತಾಪಂವಾರು
ಅಭಿವೃದ್ಧಿ ನಿಧಿ ವಿವರ
ಔರಾದ್     39.84 ಲಕ್ಷ
ಬಸವಕಲ್ಯಾಣ     37.51ಲಕ್ಷ
ಭಾಲ್ಕಿ     34.93 ಲಕ್ಷ
ಬೀದರ್     25.89 ಲಕ್ಷ
ಹುಮನಾಬಾದ್     35.43 ಲಕ್ಷ
ನಗರ ಸ್ಥಳೀಯ ಸಂಸ್ಥೆ
ಬೀದರ್     98.21 ಲಕ್ಷ
ಬಸವಕಲ್ಯಾಣ     35.32 ಲಕ್ಷ
ಭಾಲ್ಕಿ     27.25 ಲಕ್ಷ
ಹುಮನಾಬಾದ್     25.59 ಲಕ್ಷ
ಚಿಟಗುಪ್ಪಾ     15.70 ಲಕ್ಷ
ಔರಾದ್     14.92 ಲಕ್ಷ

8 Crore Budget for Activites

ಸುರಪುರ: ಇಲ್ಲಿಯ ಕೃಷಿ ಉತ್ಪನ್ನ ಮಾರುಕಟ್ಟೆ ಸಮಿತಿಯ 2014-15ನೇ ಸಾಲಿನಲ್ಲಿ ನಾನಾ ಅಭಿವೃದ್ಧಿ ಕಾಮಗಾರಿ ಕೈಗೊಳ್ಳಲು ನಿರ್ಧರಿಸಿದ್ದು, 8 ಕೋಟಿ ಮೌಲ್ಯದ ಕ್ರಿಯಾ ಯೋಜನೆ ಸಿದ್ಧಪಡಿಸಲು ಸಭೆ ಒಪ್ಪಿಗೆ ಸೂಚಿಸಿತು.ಎಪಿಎಂಸಿ ಕಚೇರಿ ಸಭಾಂಗಣದಲ್ಲಿ ನೂತನ ಅಧ್ಯಕ್ಷ ಹಣಮಂತ್ರಾಯ ಶುಕ್ಲಾ ಅಧ್ಯಕ್ಷತೆಯಲ್ಲಿ ಜರುಗಿದ ಸಾಮಾನ್ಯ ಸಭೆಯಲ್ಲಿ ಈ ನಿರ್ಣಯ ಕೈಗೊಳ್ಳಲಾಯಿತು. ಕೆಂಭಾವಿ, ಖಾನಾಪುರ ಎಸ್.ಎಚ್, ಹುಣಸಗಿ ಹಾಗೂ ಹಸನಾಪುರ ಎಪಿಎಂಸಿ ಪ್ರಾಂಗಣದಲ್ಲಿ ಅಭಿವೃದ್ಧಿ ಕಾಮಗಾರಿ ಕೈಗೊಳ್ಳಲು ನಿಶ್ವಯಿಸಲಾಯಿತು.ಕೃಷಿ ಮಾರುಕಟ್ಟೆಯಲ್ಲಿ ಆರ್.ಕೆ. ಯೋಜನೆ ಅಡಿಯಲ್ಲಿ 100 ಮೆಟ್ರಿಕ್ ಟನ್ ಸಾಮರ್ಥ್ಯದ ಗೋದಾಮು ನಿರ್ಮಾಣಕ್ಕೆ ಟೆಂಡರ್ ಕರೆದು ಶೀಘ್ರದಲ್ಲಿಯೇ ಕಾಮಗಾರಿ ಆರಂಭಕ್ಕೆ ಕ್ರಮ ಕೈಗೊಳ್ಳಬೇಕು. ಹಮಾಲರ ಸಂಘದ ಶ್ರಮಿಕ ಭವನ

Stop Using Environment Pollutant Plastic Material

ಬೀದರ್: ಪರಿಸರ ವಿನಾಶಕ ಪ್ಲಾಸ್ಟಿಕ್ ಬಳಕೆಯನ್ನು ಪ್ರತಿಯೊಬ್ಬರೂ ನಿಲ್ಲಿಸಿ ಪರಿಸರ ಸಂರಕ್ಷಣೆ ಮತ್ತು ಅಭಿವೃದ್ಧಿಗೆ ಒತ್ತು ನೀಡಬೇಕೆಂದು ಪ್ರಧಾನ ಜಿಲ್ಲಾ ಮತ್ತು ಸತ್ರ ನ್ಯಾಯಾಧೀಶರಾದ ಸಂಜೀವಕುಮಾರ ಹಂಚಾಟೆ ಕರೆ ನೀಡಿದರು.ಪರಿಸರ ದಿನಾಚರಣೆ ಅಂಗವಾಗಿ ಗುರುವಾರ, ಜಿಲ್ಲಾ ನ್ಯಾಯಾಲಯದ ಆವರಣದಲ್ಲಿ ಜಿಲ್ಲಾ ಕಾನೂನು ಸೇವೆಗಳ ಪ್ರಾಧಿಕಾರ, ಜಿಲ್ಲಾ ವಕೀಲರ ಸಂಘ ಹಾಗೂ ಅರಣ್ಯ ಇಲಾಖೆಯ ಸಂಯುಕ್ತಾಶ್ರಯದಲ್ಲಿ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.ಪರಿಸರ ಮಾನವನಿಗೆ ಮಾತ್ರವಲ್ಲ ಸಕಲ ಜೀವ ರಾಶಿಗಳಿಗೂ ಆಶ್ರಯ ತಾಣ. ಪರಿಸರದಲ್ಲಿ ಏರುಪೇರಾದಲ್ಲಿ ಎಲ್ಲ ಜೀವಿಗಳಿಗೂ ಅಪಾಯ ಕಟ್ಟಿಟ್ಟ ಬುತ್ತಿ ಎಂದು ಎಚ್ಚರಿಸಿದ ಅವರು, ಪರಿಸ ಸಂರಕ್ಷಣೆ ಹಾಗೂ ಅಭಿವೃದ್ಧಿಗೆ ಪರಿಸರ ಜಾಗೃತಿ ನಡೆಯಬೇಕಿದೆ. ಇದಕ್ಕಾಗಿ ಪ್ರತಿಯೊಬ್ಬರು ಸಕ್ರೀಯವಾಗಿ ‘ಹಸಿರೇ ನಮ್ಮ ಉಸಿರು’ ಎಂಬುದನ್ನು ಕಾರ್ಯರೂಪಕ್ಕೆ ತರಲು ಶ್ರಮಿಸಬೇಕೆಂದರು.ಮುಂದಿನ ಪೀಳಿಗೆಗೆ ನಿರ್ಮಲ ಪರಿಸರ ಉಳಿಸಿ: ರಾಜ್ಯದ ಪ್ರತಿಯೊಬ್ಬ ವ್ಯಕ್ತಿ ಒಂದು ಸಸಿ ನೆಟ್ಟು ಪೋಷಿಸಿದ್ದೇಯಾದಲ್ಲಿ ಪರಿಸರ ಸೌಂದರ್ಯ ಯಾವ ರೀತಿ ಇರುತ್ತದೆ ಎಂಬುದನ್ನು ಒಂದೊಮ್ಮೆ ನೆನಪಿಸಿಕೊಳ್ಳಿ. ನಿಸರ್ಗದ ಸಕಲ ಸುಖಗಳನ್ನು ಅನುಭವಿಸುವ ನಾವುಗಳು ವಾಯು, ಜಲ ಮತ್ತು ನೆಲವನ್ನು ಮಲೀನಗೊಳಿಸದೆ ಇಂದಿನ ಮತ್ತು ಮುಂದಿನ ಪೀಳಿಗೆಗೆ ಸ್ವಚ್ಛ ಹಾಗೂ ನಿರ್ಮಲವಾದ ಪರಿಸರವನ್ನು ಕಲ್ಪಿಸಿಕೊಡುವತ್ತ ಜವಾಬ್ದಾರಿ ಹೊರಬೇಕೆಂದು ನ್ಯಾ. ಹಂಚಾಟೆ ತಿಳಿಸಿದರು.ಜಿಲ್ಲಾ ನ್ಯಾಯಾಲಯದ ಆವರಣದ ಹಲವೆಡೆ ಸಸಿಗಳನ್ನು ನೆಡುವ ಮೂಲಕ ಕಾರ್ಯಕ್ರಮಕ್ಕೆ ನ್ಯಾಯಾಧೀಶರಾದ ಸಂಜೀವಕುಮಾರ ಹಂಚಾಟೆ, ಜಿಲ್ಲಾ ಉಪ ಅರಣ್ಯ  ಸಂರಕ್ಷಣಾಧಿಕಾರಿಗಳಾದ ಡಾ. ಸುನೀಲಕುಮಾರ ಪನ್ವಾರ್ ಚಾಲನೆ ನೀಡಿದರು.  ಕಾರ್ಯಕ್ರಮದಲ್ಲಿ ಜಿಲ್ಲಾ ಕಾನೂನು ಸೇವೆಗಳ ಪ್ರಾಧಿಕಾರದ ಸದಸ್ಯ ಕಾರ್ಯದರ್ಶಿಗಳಾದ ಸಿ.ಆರ್. ರಾಜಾಸೋಮಶೇಖರ್, ವಕೀಲರ ಸಂಘದ ಅಧ್ಯಕ್ಷ ಕೆ.ಕಾಶಿನಾಥ, ಹಿರಿಯ ವಕೀಲರಾದ ಬಿ.ಎಸ್. ಪಾಟೀಲ್, ವಿಜಯ ರೆಡ್ಡಿ, ಕೆ.ಎಚ್. ಪಾಟೀಲ್ ಉಪಸ್ಥಿತರಿದ್ದರು.

Every Village should have Medicinal Forest : Sherikar

medicinalplant1Bidar : ಪ್ರತಿ ಗ್ರಾಮದಲ್ಲಿ ಕಡ್ಡಾಯವಾಗಿ ಔಷಧಿ ವನ ನಿರ್ಮಿಸುವಂತೆ ಖ್ಯಾತ ಆರ್ಯುವೇದ ವೈದ್ಯ ಹಾಗೂ ಹಿರಿಯ ಸ್ವಾತಂತ್ರ್ಯ ಹೋರಾಟಗಾರ ಬಸವಣ್ಣಪ್ಪ ಶೇರಿಕಾರ ಕರೆ ನೀಡಿದರು.ತಾಲೂಕಿನ ನಿಡವಂಚಾ ಗ್ರಾಮದಲ್ಲಿ ಪರಿಸರ ವಾಹಿನಿ ಹಾಗೂ ಚಾಲುಕ್ಯ ಶಿಕ್ಷಣ ಸಂಸ್ಥೆ ಮರಕುಂದಾ ಹಮ್ಮಿಕೊಂಡಿದ್ದ ವಿಶ್ವಪರಿಸರ ದಿನಾಚರಣೆ ಹಾಗೂ ಪರಿಸರ ಸಂರಕ್ಷಣೆಗಾಗಿ ನಿಡವಂಚಾ ಗ್ರಾಮ ದತ್ತು ಸ್ವೀಕಾರ ಕಾರ್ಯಕ್ರಮದಲ್ಲಿ ಸಸಿ ವಿತರಿಸುವ ಮೂಲಕ ಚಾಲನೆ ನೀಡಿದರು. ಆರೋಗ್ಯ ಕಾಪಾಡುವಲ್ಲಿ ಆರ್ಯುವೇದಿಕ ಔಷಧಿ ಗಿಡಗಳು ತುಂಬಾ ಮಹತ್ವದ ಪಾತ್ರ ವಹಿಸುತ್ತವೆ. ಹಿರಿಯರು ಗ್ರಾಮದ ಪರಿಸರ ಸಂರಕ್ಷಣೆಗಾಗಿ ಕಡ್ಡಾಯವಾಗಿ ‘ಔಷಧಿ ವನ’ ನಿರ್ಮಿಸುತ್ತಿದ್ದರು. ಆದರೆ ಇಂದು ಅದು ಕಾಣದಾಗಿದೆ ಎಂದು ಕಳವಳ ವ್ಯಕ್ತಪಡಿಸಿದರು. ಕಾಡುಗಳ ನಾಶದಿಂದ ಪರಿಸರ ಅಸಮತೋಲನವಾಗಿ ವಾಯುಗುಣದಲ್ಲಿ ಬದಲಾವಣೆಯೊಂದಿಗೆ ಪರಿಸರದಲ್ಲಿ ಏರುಪೇರು ಆಗುತ್ತಿದೆ ಎಂದರು. ಪರಿಸರ ವಾಹಿನಿ ಅಧ್ಯಕ್ಷ ಶೈಲೇಂದ್ರ ಕಾವಡಿ ಮಾತನಾಡಿ, ಪರಿಸರ ಅಸಮತೋಲನದಿಂದಾಗಿ ಭೂತಾಪಮಾನ ಹೆಚ್ಚಳವಾಗಿ ಅನೇಕ ಪಕೃತಿ ವಿಕೋಪಗಳು ಸಂಭವಿಸುತ್ತಿದೆ ಎಂದರು. ಪರಿಸರ ಸಂರಕ್ಷಣೆಗಾಗಿ ವರ್ಷವಿಡೀ ಜಿಲ್ಲೆಯಾದ್ಯಂತ ತಿಂಗಳಲ್ಲಿ ಪ್ರತಿ ಎರಡು ವಾರ ಜನಜಾಗೃತಿ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗುವುದು ಎಂದರು. ಮಕ್ಕಳಲ್ಲಿ ಪರಿಸರ ಪ್ರಜ್ಞೆ ಮೂಡಿಸಲು ಮಗುವಿಗೊಂದು ಮರ, ಶಾಲೆಗೊಂದು ವನ ಯೋಜನೆಯಡಿಯಲ್ಲಿ ಸಸಿ ನೆಡಿಸಲಾಗುವುದು ಎಂದರು. ಕಾರ್ಯಕ್ರಮದಲ್ಲಿ ಡಾ. ನಾಗರಾಜ, ಕೃಷ್ಣಾ ಪಾಂಚಾಳ ಇದ್ದರು. ವೀರಣ್ಣ ಮಡಿವಾಳ ಸ್ವಾಗತಿಸಿ ವಂದಿಸಿದರು.