Daily Archives: September 23, 2015

Byalhali panchayat news

ನಿರ್ಲಕ್ಷ್ಯ ತೋರುತ್ತಿರುವ ಬ್ಯಾಲಹಳ್ಳಿ(ಕೆ)

ಗ್ರಾಮ ಪಂಚಾಯತಿಯ ಪಿಡಿಓ

ಬೀದರ ಸೆ.23:-ಬೀದರ ಜಿಲ್ಲೆ ಭಾಲ್ಕಿ ತಾಲೂಕಿನ ಬ್ಯಾಲಹಳ್ಳಿ(ಕೆ) ಗ್ರಾಮ ಪಂಚಾಯತಿಯ ಪಿಡಿಓ ಅವರು ಪಂಚಾಯತಿ ವ್ಯಾಪ್ತಿಯಲ್ಲಿರುವ ಹಾಲಹಳ್ಳಿ(ಕೆ), ಬ್ಯಾಲಹಳ್ಳಿ(ಕೆ) ನಿಲಮ್ಮನಳ್ಳಿ ಮತ್ತು ತಾಂಡಾದ ನಿವಾಸಿಗಳಿಗೆ ಸರ್ಕಾರದ ಸೌಲಭ್ಯ ನಿಡುವಲ್ಲಿ ಮತ್ತು  ಜನೆತೆಗೆ ರಹವಾಸಿ ಪ್ರಮಾಣ ಪತ್ರ  ನಿಡಲು  ಕಿರುಕುಳ ನೀಡುತ್ತಿದ್ದಾರೆ.ಗ್ರಾಮ ಪಂಚಾಯತಿ ವ್ಯಾಪ್ತಿಯಲ್ಲಿ  ಸರ್ಕಾರದ ಯೋಜನೆಗಳಾದ ಬಸವ ವಸತಿ ಯೋಜನೆ, ಇಂದಿರಾ ಆವಾಸ ಯೋಜನೆಯಡಿಯಲ್ಲಿ ನಿರ್ಮಾಣ ಆಗುತ್ತಿರುವ ಮನೆಗಳ 1ನೇ ಹಂತದ 2ನೇ ಹಂತದ ,3ನೇ ಹಂತದ 4ನೇ ಹಂತದ ಬಿಲ್ಲ್ ಮಾಡಲು ಪಿಡಿಓ ಅವರು  ನಿರ್ಲಕ್ಷ ತೋರುತ್ತಿದ್ದಾರೆ.ಅಭಿವೃದ್ಧಿಗಾಗಿ 1ಸಾವಿರ ರೂ.ಕರ ಪ್ರತ್ಯೇಕವಾಗಿ ತೆಗೆದುಕೊಳ್ಳುತ್ತಿದ್ದಾರೆ, ಈ ಕರ ಪಡೆಯುವ ಪಂಚಾಯತಿಯ ಕ್ಲಾರ್ಕ ಹಲವರಿಗೆ ದುಡ್ಡು ಪಡೆದು ರಸೀದಿ ನೀಡುತ್ತಿಲ್ಲ. ಪಡಿತರ ಚೀಟಿಗಾಗಿ ಅರ್ಜಿ ಸಲ್ಲಿಸಲು ಕಚೇರಿಗೆ ಹೋದವರಿಗೆ ಅವಶ್ಯಕತೆ ಇಲ್ಲದಿದ್ದರೂ ಸಾರ್ವಜನಿಕ ಸ್ಥಳದಲ್ಲಿರುವ ಸರ್ಕಾರಿ ಕುಡಿಯುವ ನೀರಿನ ನಲ್ಲಿಗಳ ಕರಗಳನ್ನು ಪಾವತಿಸಲು ಪಿಡಿಓ ಸೂಚಿಸುತ್ತಿದ್ದಾರೆ. ಮನೆ ಕರ, ನಲ್ಲಿಕರ, ಪಡೆಯುತ್ತಿದ್ದಾರೆ.ಮತ್ತು ಈ ಮಾಹಿತಿಯನ್ನು  ನಾಡ ಕಚೇರಿಗೆ ನೀಡದೆ  ಕಡತೆಗಳನ್ನು ಪಂಚಾಯತಿಯಲ್ಲಿಯೇ ಇಟ್ಟಿರುತ್ತಾರೆ.ಸರ್ಕಾರದ ಆದೇಶದಂತೆ ಸರ್ಕಾರಿ ಭೂಮಿಯಲ್ಲಿ  ಮನೆ ನಿರ್ಮಿಸಿಕೊಂಡಿರುವ  ಮತ್ತು ನಿರ್ಮಿಸಿಕೊಳ್ಳುತ್ತಿರುವ ನಿವಾಸಿಗಳಿಗೆ ಅಕ್ರಮ ಸಕ್ರಮ ನಿಯಮದಡಿ ನೊಂದಾಯಿಸಲು ನಾಡ ಕಚೇರಿಗೆ ಮಾಹಿತಿ ಸಲ್ಲಿಸುತ್ತಿಲ್ಲ . ಅಕ್ರಮ ಸಕ್ರಮಯಡಿಯಲ್ಲಿ ಕಮಲಪುರದಲ್ಲಿ 100 ಮನೆ ನಿಲಮನಳ್ಳಿ ಗ್ರಾಮದಲಿ 10 ಮನೆಗಳು, ನಿಲಮನಳ್ಳಿ ತಾಂಡಾದಲ್ಲಿ 6 ಮನೆಗಳು, ಹಾಲಹಳ್ಳಿ (ಕೆ)ಗ್ರಾಮದಲ್ಲಿ 30ರಿಂದ 40 ಮನೆಗಳು, ಹಾಲಹಳ್ಳಿ ತಾಂಡವು  ಸರ್ಕಾರಿ ಭೂಮಿಯಲ್ಲಿ ಇರುತ್ತವೆ.

ಸಕ್ರಮಕ್ಕಾಗಿ  ಹಕ್ಕು ಪತ್ರಲದಲ್ಲಿ ಹೆಸರು ಸೇರಿಸಿಕೊಳ್ಳಲು ತಹೀಲ್ದಾರರು 2006ರಲ್ಲಿಯೇ ಸೂಚನೆ ನೀಡಿದರು.ಒಟ್ಟಾರೆ ಈ ಪಂಚಾಯತಿಯ ಪಿ.ಡಿ.ಓ ಅವರು ಜನರ ಸಮಸ್ಯೆಗಳಿಗೆ ಸ್ಪಂದಿಸಿದೆ ಅವುಗಳನ್ನು ಬಗೆ ಹರಿಸದೆ ಕೆಲಸ ಮಾಡಲು ನಿರಾಕಾರಣೆ ಮಾಡುತ್ತಿದ್ದು  ದಿವ್ಯ ನಿರ್ಲಲಕ್ಷತನ ತೋರುತ್ತಾ ಪಂಚಾಯತಿ ಪ್ರಗತಿಗೆ ಕುಂಠಿತ ಮಾಡುತ್ತಿದ್ದಾರೆ.ಆದ್ದರಿಂದ ಇವರನ್ನು ತಕ್ಷಣವೇ ಬೇರೆ ಕಡೆಗೆ ವರ್ಗಾವಣೆ ಮಾಡಿ ಬೇರೊಬ್ಬ ಒಳ್ಳೆಯ ಪಂಚಾಯತ ಅಭಿವೃದ್ಧಿ ಕಳುಹಿಸಬೇಕೆಂದು ಮನವಿ ಮಾಡಿದ್ದಾರೆ