Daily Archives: September 21, 2015

Basveshwar anusthan event

ಪರೋಪಕಾರದಿಂದ ಮಾತ್ರ ಪಾರಮಾರ್ಥ

ಸಿದ್ಧಿ: ಬಸವಲಿಂಗ ದೇವರು

 

21.bidar-6ಬೀದರ: ಜೀವನದಲ್ಲಿ ಸದಾ ಪರೋಪಕಾರಿಯಾಗಿರಬೇಕು. ನಮ್ಮ ಬಗ್ಗೆ  ಕೇಡು ಬಯಸಿವವರನ್ನು ಒಳ್ಳೆಯವರನ್ನಾಗಿ ಗುರುತಿಸಬೇಕು. ಹಾಗಾದಾಗ ಅದು ದೇವರಿಗೆ ಅರ್ಪಿತವಾಗಿ ಪಾರಮಾರ್ಥ ಸಿದ್ಧಿ ಸಾಧ್ಯ ಎಂದು ಕಟಕ ಚಿಂಚೋಳಿಯ ಹುಗ್ಗೆಳ್ಳಿ ಮಠದ ಪೂಜ್ಯ ಬಸವಲಿಂಗ ದೇವರು ನುಡಿದರು.

ಹುಮನಾಬಾದ್ ತಾಲೂಕಿನ ನೀರ್ಣಾ ಗ್ರಾಮದ ಗುತ್ತಿ ಬಸವೇಶ್ವರ ದೇವಸ್ಥಾನದಲ್ಲಿ ಆಗಸ್ಟ್ 15ರಿಂದ ಸೆಪ್ಟೆಂಬರ್ 14ರ ವರೆಗೆ ಒಂದು ತಿಂಗಳ ಪರ್ಯಂತರ ಅನುಷ್ಟಾನ ಹಮ್ಮಿಕೊಂಡು ಸೋಮವಾರ ಅನುಷ್ಟಾನ ಮಂಗಲ ಹಾಗೂ ಲಕ್ಷ ಬಿಲ್ವಾರ್ಚನೆ ಕಾರ್ಯಕ್ರಮದ ಘನಾಧ್ಯಕ್ಷತೆ ವಹಿಸಿ ಮಾತನಾಡಿದರು.
ಜೀವನದಲ್ಲಿ ಸುಖ, ಶಾಂತಿ ಹಾಗೂ ನೆಮ್ಮದಿ ಸಿಗಬೇಕಾದರೆ, ಗುರು ಹಿರಿಯರ ಸೇವೆ, ಗೌರವ ಹಾಗೂ ಭಕ್ತಿಯಿಂದ ಸಾಧ್ಯ ಎಂದ ಅವರು, ಪರಮಾತ್ಮನ ಸನ್ನಿಧಿ ಪಡೆಯಲು ಗುರು ಕಾರುಣ್ಯ ಮುಖ್ಯ ಎಂದರು.

ಕಾರ್ಯಕ್ರಮದಲ್ಲಿ ಭೆಮಳಖೇಡದ ಪೂಜ್ಯ ಷ..ಬ್ರ ಗುರುಪಾದ ಶಿವಾಚಾರ್ಯರು, ಹುಡುಗಿಯ ಷ.ಬ್ರ ವೀರುಪಾಕ್ಷ ಶಿವಾಚಾರ್ಯರು, ನೌಬಾದ್‍ದ ಜ್ಞಾನ ಶಿವಯೋಗಾಶ್ರಮದ ಪೂಜ್ಯ ಡಾ.ರಾಜಶೇಖರ ಸ್ವಾಮಿಜಿ ಗೋರ್ಟಾ, ಪೂಜ್ಯ ಷ.ಬ್ರ ಮೃತ್ಯುಂಜಯ ಶಿವಾಚಾರ್ಯರು, ಗೊಬ್ಬರವಾಡಿಯ ಮ.ನಿ.ಪ್ರ ಪೂಜ್ಯ ಗುರು ಹುನಲಿಂಗೇಶ್ವರ ಸ್ವಾಮಿಜೀ, ಡೋಂಗರಗಾಂವ್‍ನ ಉದಯರಾಜ ದೇಶಿಕೇಂದ್ರ ಸ್ವಾಮಿಜೀ, ಲಾಡಗೇರಿಯ ಪೂಜ್ಯ ಗಂಗಾಧರ ಶಿವಾಚಾರ್ಯ ಸ್ವಾಮಿಜೀ ಸೇರಿದಂತೆ ಇತರರಿದ್ದರು.

Animanl Welfare news

ಅನಧಿಕೃತ ಪ್ರಾಣಿ ಸಾಗಣೆ ತಡೆಯಲು

ಚೆಕ್ ಪೋಸ್ಟ್ ಸ್ಥಾಪಿಸಿ

21.bidar-5ಬೀದರ: ದೇಶದ ಎಲ್ಲಾ ರಾಜ್ಯಗಳ ಗಡಿಯಲ್ಲಿ ಅನಧಿಕೃತ ಪ್ರಾಣಿಗಳ ಸಾಗಣೆ ತಡೆಯಲು ಗಡಿಯಲ್ಲಿ ಪ್ರಾಣಿಗಳ ಪರಿಶೀಲನೆಗಾಗಿ ಪ್ರತ್ಯೇಕ ಚೆಕ್ ಪೋಸ್ಟಗಳನ್ನು ಸ್ಥಾಪಿಸಬೇಕೆಂದು ಭಾರತಿಯ ಪ್ರಾಣಿ ಕಲ್ಯಾಣಿ ಮಂಡಳಿ ಸದಸ್ಯ ಶಿವಯ್ಯ ಸ್ವಾಮಿ ಮನವಿ ಮಾಡಿದರು.

ಇತ್ತಿಚೀಗೆ ನವದೆಹಲಿಯಲ್ಲಿ ಕೇಂದ್ರ ಸರ್ಕಾರದ ಗೃಹ ಸಚಿವ ರಾಜನಾಥ ಸಿಂಗ್‍ರನ್ನು ಭೇಟಿ ಮಾಡಿ ಮನವಿ ಮಾಡಿದರು. ಈಗಾಗಲೇ ಕೆಲ ರಾಜ್ಯಗಳಲ್ಲಿ ರಾಜ್ಯ ಸರ್ಕಾರದ ವತಿಯಿಂದ ಇಂತಹ ವಿಶಿಷ್ಠ ಕ್ರಮ ಕೈಗೊಂಡಿದ್ದು, ಉಳಿದ ಎಲ್ಲಾ ರಾಜ್ಯಗಳಲ್ಳಿಯೂ ಕೂಡಾ ಪ್ರತ್ಯೇಕ ಚೆಕ್ ಪೋಸ್ಟಗಳನ್ನು ಸ್ಥಾಪಿಸಲು ಕ್ರಮ ಕೈಗೊಳ್ಳಬೇಕೆಂದು ಮನವಿ ಮಾಡಿದರು.

ದಕ್ಷಿಣ ಭಾರತದ ಐದು ರಾಜ್ಯಗಳಲ್ಲಿ ಬಹುತೇಕ ಜಿಲ್ಲೆಗಳಲ್ಲಿ ಮಳೆಯ ಕೊರತೆಯಿಂದ ಬರಗಾಲದ ಛಾಯೆ ಇದ್ದು, ಗೋವುಗಳಿಗೆ ಮೇವಿನ ಕೊರತೆ ಉಂಟಾಗಿದೆ. ಹಾಗಾಗಿ ಪ್ರತಿ ಜಿಲ್ಲಾ ಕೇಂದ್ರದಲ್ಲಿ ಮೇವು ಕೇಂದ್ರ ಸ್ಥಾಪನೆ ಮಾಡುವ ನಿಟ್ಟಿನಲ್ಲಿ ವಿಶೇಷ ಅನುದಾನ ನೀಡಲು ಕ್ರಮ ಕೈಗೊಳ್ಳಬೇಕೆಂದು ಕೋರಿದರು.  ಮಧ್ಯ ರಾತ್ರಿಯಲ್ಲಿ ಕಳ್ಳ ಸಾಗಾಣಿಕೆ ತಡೆಗಟ್ಟುವ ನಿಟ್ಟಿನಲ್ಲಿ ಂಟಿimಚಿಟ Pಡಿoಣeಛಿಣioಟಿ Pಚಿಣಡಿoಟಟiಟಿg (ರಾತ್ರಿ ಗಸ್ತಿನ ಪೊಲೀಸ್ ವ್ಯವಸ್ಥೆ) ಮಾಡಲು ನಿರ್ದೇಶನ ನೀಡಬೇಕೆಂದು ಕೋರಿದರು.

ಕಲ್ಕತ್ತಾ ನಗರದಲ್ಲಿ ಬಕ್ರಿದ ಹಬ್ಬದ ಸಂದರ್ಭವಾಗಿ ಸಾಮೂಹಿಕ ಪ್ರಾಣಿಗಳ ಬಲಿ (ಕುರ್ಬಾನಿ) ಕೊಡುವುದು ಇನ್ನು ಸಂಪ್ರದಾಯದಲ್ಲಿದೆ. ಇದನ್ನು ತಡೆಯುವಲ್ಲಿ ಪಶ್ಚಿಮ ಬಂಗಾಳ ಸರಕಾರ ವಿಫಲವಾಗಿರುವುದರಿಂದ ಕೇಂದ್ರ ಸರ್ಕಾರ ಇದನ್ನು ತಡೆಯಲು ವಿಶೇಷ ಪೊಲೀಸ್ ಪಡೆ ನಿಯೋಜಿಸಬೇಕು ಹಾಗೂ ದೇಶದಲ್ಲಿ ಪ್ರಾಣಿಗಳ ರಕ್ಷಣೆಗಾಗಿ ಅವಶ್ಯಕ ಎಲ್ಲಾ ಕ್ರಮಗಳನ್ನು ಕೈಗೊಳ್ಳಬೇಕೆಂದು ಮನವಿ ಮಾಡಿದರು.

ಈ ಸಂದರ್ಭದಲ್ಲಿ ಮಲ್ಲೇಶ ಗಣಾಪೂರ ಸೇರಿದಂತೆ ಇತರರು ಉಪಸ್ಥಿತರಿದ್ದರು.
 

Picnic Group

ಬಸವ ಬಾಂಧವ್ಯ ಬಳಗದಿಂದ ವನಭೋಜನ ಕಾರ್ಯಕ್ರಮ

ಸುಖವಾಗಿ ಬದುಕಲು ಪ್ರೀತಿ ಹಾಗೂ ಬಾಂಧವ್ಯ ಅಗತ್ಯ: ಡಾ.ಚಂದ್ರೇಗೌಡ

Basava Bandhavya Balaga news3ಬೀದರ: ಜೀವನದಲ್ಲಿ ಸುಖವಾಗಿ ಬದುಕಲು ಸಂಪತ್ತು, ಐಷ್ವರ್ಯ, ಶಕ್ತಿ ಹಾಗೂ ಬುದ್ದಿ ಸೀಮಿತವಲ್ಲ, ಬದಲಿಗೆ ಪ್ರೀತಿ, ಸಂಯಮ, ಶಿಷ್ಟಾಚಾರ, ಎಲ್ಲಕ್ಕಿಂತ ಮಿಗಿಲಾಗಿ ಅನ್ಯುನ್ಯ ಬಾಂಧವ್ಯ ಅಗತ್ಯವಾಗಿದೆ ಎಂದು ಸಾರ್ವಜನಿಕ ಶಿಕ್ಷಣ ಇಲಾಖೆಯ ಉಪನಿರ್ದೇಶಕ ಡಾ.ಚಂದ್ರೇಗೌಡ ಅಭಿಪ್ರಾಯಪಟ್ಟರು.
ಭಾಲ್ಕಿ ತಾಲೂಕಿನ ಮೈಲಾರ್ ಬಳಿ ಇರುವ ಸಂತೋಷಿ ಮಾತಾ ಮಂದಿರದ ಅವರಣದಲ್ಲಿ ರವಿವಾರ ಬಸವ ಬಾಂಧವ್ಯ ಬಳಗ ಬೀದರ ವತಿಯಿಂದ ಹಮ್ಮಿಕೊಳ್ಳಲಾಗಿದ್ದ ವನಭೋಜನ ಹಾಗೂ ದಂಪತಿಗಳಿಗಾಗಿ ವಿವಿಧ ಕಾರ್ಯಚಟುವಟಿಕೆ ಹಮ್ಮಿಕೊಂಡು, ಅದರಲ್ಲಿ ವಿಜೇತರಾದವರಿಗೆ ಬಹುಮಾನ ವಿತರಿಸಿ ಮಾತನಾಡುತ್ತಿದ್ದರು.